Fáskrúðsfjörður gengur inn í Austfjarðahálendið á milli Vattarness og Hafnarness. Inn af botni fjarðarins liggur dalur með talsverðu undirlendi, grösugur og víða skógi vaxinn

Búðir er kauptún við botn fjarðarins. Verslun hófst á Búðum upp úr 1880. Frá síðari hluta 19. aldar og fram undir 1935 voru Búðir helsta bækistöð franskrar skútuútgerðar á Austfjörðum. Þar var franskur konsúll, franskt sjúkrahús, frönsk kapella og kirkjugarður. Þá mun franska ríkið hafa átt hlut að því að héraðslæknir var staðsettur á Búðum.

Atvinnulífið á staðnum snýst um útgerð og fiskvinnslu að mestu leyti.   Með jarðgöngum til Reyðarfjarðar og álveri hefur orðið breyting á atvinnuháttum og samgöngur auðvelda sameiningu atvinnusvæða.


Lesið meira um Fáskrúðsfjörð